Урысые Федерацием и Президентэу Владимир Путиныр илъэсищым зыныбжь шIомыкIыгъэ сабый зэрыс унагъохэм зэкIэми ны мылъкум къыхэхыгъэ ахъщэ тын мазэ къэс къафэкIонэу агъэпсын алъэкIыным фэгъэхьыгъэ унашъом кIэтхагъ.

Ар къызщиIорэ зэхъокIыныгъэхэр афашIыгъэх унагъоу кIэлэцIыкIу зэрысхэм къэралыгъо IэпыIэгъу ятыгъэным ыкIи мазэ къэс ахъщэ тын афэгъэ­кIогъэным атегъэпсыхьэгъэ законхэм.

НахьыпэкIи мы къэралыгъо IэпыIэгъур щыIагъ, ау ащ аныбжь илъэсищым шIомыкIыгъэу сабыитIу е нахьыбэ зиIэхэр ары ныIэп къыхиубытэщтыгъэхэр. Джы унагъом гъотэу иIэр, гурытымкIэ лъытагъэу, цIыфыр зэрыпсэун ылъэкIыщт ахъщэ анахь макIэм фэдитIу мыхъу­рэмэ, зы сабый нахь имыIэми ыгъэпсын фит.

КIэлэцIыкIур зэрыпсэун ылъэ­кIыщт ахъщэ анахь макIэу шъолъырым щагъэнэфагъэм фэдиз къыфэкIощтыр. Ащ имызакъоу, а ныбжьым къыхиубытэу унагъом ис сабый пэпчъ ар къыратынэу агъэпсын амал яIэ хъугъэ.