Хэгъэгум и ЛIыхъужъхэм я Мафэу Урысыем анахь щагъэ­лъэ­пIэрэ мэфэкIыр илъэс къэс тикъэралыгъо тыгъэгъазэм и 9-м щыхагъэунэфыкIы.

Зынахь лъапIэ хэткIи щы­мыIэр мамырныгъэр, рэхьатныгъэр, тиошъогу къэргъо­ныр ары. Хэгъэгум игу­псэ­фыныгъэ иухъумэкIо тидзэ­кIолIхэу шъыпкъэгъэ ини, лIыгъэ икъуи зыхэлъхэм ацIэ сыдигъуи епIоныр, ялIыгъэ шапхъэ зынэ­сырэр къыткIэ­хъухьэхэрэм зэлъя­гъэшIэ­гъэныр пIуныгъэ щы­сэ дах.

Мы мэфэкIым ипэгъокIэу «Славные сыны Отечества» зыфиIорэ Iофтхьабзэр Гавердовскэ тхылъеджапIэу N 10-м иIофышIэхэм апшъэ­рэ классхэм ащеджэхэрэм афызэхащэгъагъ.

Ащ къыщаIотагъ мы мэфэкIым итарихъ лъапсэ. 1917-рэ илъэсым ыпэкIэ мы мафэм георгиевскэ кавалерхэм ягъэхъагъэхэр хагъэунэфыкIыщтыгъэх. Джырэ уахътэм Советскэ Союзым и ЛIыхъужъхэр ыкIи Святой Георгий иорден къэзылэжьыгъэхэр агъа­шIох. КъыткIэхъухьэрэ ныбжьыкIэхэр ятарихъ ­гъогу фэнэIуасэхэу, Хэгъэгум илIыхъужъхэр ашIэхэу ыкIи шъхьэкIафэ афыряIэу пIугъэнхэмкIэ, хэгъэгур ным зэричIыпIэр агурыгъэIогъэ­нымкIэ мы Iофтхьабзэм мэхьанэшхо иIагъ. МэфэкI лъапIэу Хэгъэгум ыкIи ащ ишъэо кIасэхэм афэгъэхьыгъэ тхылъ къэгъэлъэгъонэу «ЛIыхъужъхэр лIэхэрэп» зыфиIорэм ар къыгъэбаигъ. КIэлэеджакIохэм упчIэ зэ­фэшъхьафхэр къатыгъэх, ахэм яджэуапхэр библиотекарьхэу Н. Алексеевам ыкIи М. Иргизцевам аратыжьыгъэх.