ПсыугъоипIэ псэолъи 10 Адыгеим щашIынэу ыкIи щагъэцэкIэжьынэу 2023-рэ илъэсым агъэнафэ.

Ахэр зыдэщыIэхэр: ­Адыгэкъал, къуаджэхэу Улап, Козэт, Тэхъутэмы­къуай, Хьалъэкъуай, къу­тырхэу Шевченкэр ыкIи Гражданскэр.

АР-м псэолъэшIынымкIэ и Министерствэ къызэрэщыхагъэщыгъэмкIэ, псэуа­лъэхэм яшIын епхыгъэ зэзэгъыныгъэхэр федеральнэ гупчэм дашIыгъа­хэх. Шъолъыр проектыр гъэцэкIэгъэным пае 2023-рэ илъэсым сомэ мил­лион 225,1-рэ къатIупщыщт, ащ щыщ сомэ миллион 222,2-р федеральнэ бюджетым къыхагъэкIынэу щыт.

Ар мы илъэсым къаратыгъэгъэ ахъщэм нахьыб. Мыгъэ мыщ фэдэ Iофхэм сомэ миллиони 184,3-рэ апэIуагъэхьагъ, федеральнэ бюджетым ащ щыщэу къыхагъэкIыгъэр сомэ мил­лиони 182,3-рэ. Iоф­шIэнхэр псэупIэу зыщырагъэкIокIыщтхэр: станицэу Ханскэр, поселкэхэу Родниковэр, Новэр, къуа­джэхэу Джэджэхьабл, Гъо­бэкъуай, къутырхэу Псэкъупс ыкIи Городскоир.