Лъэпкъ проектэу «ПсэупIэр ыкIи къэ­лэ щыIакIэр» зыфиIорэм ишIуагъэкIэ узщыпсэункIэ щынагъоу алъытэгъэ унэ­хэм цIыфхэр къаращыжьых.

ПсэолъэшIынымкIэ ­Адыгэ Республикэм и Ми­нистерствэ псэупIэ-коммунальнэ хъызмэтымкIэ и ГъэIорышIапIэ ипащэу Ныбэ Руслъан къызэриIуа­гъэмкIэ, программэр агъэ­цэкIэным фэшI фэтэрыбэу зэхэт унэ 29-у щылэ ма­зэм и 1-м, 2017-м ехъу­лIэу ущыпсэу мыхъужьы­нэу агъэнэфагъэхэм цIыф­хэр къаращыжьынхэу щы­тыгъ. ЗэкIэмкIи а унэ­мэ квадратнэ метрэ 7929-рэ аубытыщтыгъ, ахэм нэбгырэ 441-рэ ащыпсэущтыгъ. Iофтхьабзэмэ зэ­кIэмэ апэIуагъэхьанэу сомэ миллион 296,7-рэ къатIупщыгъ, ащ щыщэу сомэ миллион 225-р псэу­пIэ-коммунальнэ хъызмэтым дэлэжьэрэ Фондым иахъщ. Адрэ къэнагъэ ахъ­щэр республикэ бюджетым къыхагъэкIыгъ.

Программэр агъэцэкIэ­фэ нэбгырэ 402-мэ нэ­мыкI псэупIэ арагъэгъотын алъэ­кIыгъ, ащ зэкIэмкIи сомэ миллион 240-рэ пэIуагъэ­хьагъ. Программэм чанэу къыхэлэжьагъэх къалэу Мыекъуапэ, къэлэ гъэпсыкIэ зиIэ поселкэу Яблоновскэр, Кощхьэблэ ыкIи Мыекъопэ районхэр.