Тыгъэгъазэм и 9-р — Хэгъэгум и ЛIыхъужъхэм я Маф
Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!
Хэгъэгум и ЛIыхъужъхэм я Мафэ фэшI тышъуфэгушIо!
Мы мафэм, 1769-рэ илъэсым императорэу я II-рэ Екатеринэ ыухэсыгъагъ Святой Георгий Победоносцэм иорден. Ар афагъэшъуашэщтыгъ заом лIыхъужъныгъэрэ блэнагъэрэ щызезыхьэгъэ зэолIхэм. Джырэ Урысыем илъэс 15 хъугъэу, 2007-рэ илъэсым къыщыублагъэу, тыгъэгъазэм и 9-м щыхагъэунэфыкIы Хэгъэгум и ЛIыхъужъхэм я Мафэ. Илъэс къэс мы мафэм тыгу къэтэгъэкIыжьых цIэ лъапIэхэу «Советскэ Союзым и ЛIыхъужъ», «Урысые Федерацием и Лiыхъужъ» зыфиIохэрэр зыфагъэшъошагъэхэр, Святой Георгий иорденрэ Щытхъум иорденрэ зэратыгъэхэр.
Мы мэфэкIым мэхьанэу иIэм нахь хэхъуагъ. Непэ Хэгъэгур къэзыухъумэхэрэр ыпэкIэ щыIагъэхэм, ветеранхэм япэсыгъэу щытынхэм пылъых, патриот шъыпкъэу ущытын зэрэфаер къагурыIозэ, гущыIэ пытэу атыгъэм зэремыпцIыжьыщтхэм анаIэ тырагъэты. Ар дэгъоу къыщылъэгъуагъ хэушъхьафыкIыгъэ дзэ операцием. Урысыем ифедэхэр къэзыухъумэрэ пстэуми лIыхъужъ шъыпкъэкIэ уяджэн плъэкIыщт. Донбасс щыпсэухэрэм, зэкIэ Урысыем исхэм щыIэкIэ рэхьат яIэным пае зышъхьамысыжьхэу япшъэрылъ лъапIэ зэрагъэцакIэрэм фэшI лъэшэу ахэм тафэраз.
ТичIыпIэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ ублэпIэшIу пстэуми гъэхъагъэхэр ащышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр