Тыгъэгъазэм и 5-м къыщегъэжьагъэу и 15-м нэс къэралыгъом къыщыдагъэ­кIырэ гъэзетхэм ыкIи журналхэм ауасэ процент 30-кIэ нахь макIэу Урысыем и Почтэ икъутамэхэм ыкIи исайт уащыкIэтхэн плъэкIыщт. Гъэзет ыкIи журнал 2400-м ехъурэмэ ауасэ къыра­гъэIыхыщт.

Почтальонхэми мобильнэ почтэ-кассовэ терминалхэмкIэ ахэм уакIагъэтхэшъущт. УзкIэтхэгъэ гъэзетхэр е журналхэр Почтэм иIофышIэхэм къыпфахьыжьызэ ашIынэу щыт, хэгъэгум ичIыпIэ пстэуми ахэр анэсых. Джащ фэдэу шIоигъоныгъэ зиIэхэр акциеу «ШIушIагъэм ичъыг» зыфиIорэм хэлэжьэнхэ алъэкIыщт, социальнэ псэупIэмэ периодикэр къафыратхыкIыным ар фэIорышIэ.

Урысыем и Почтэ икаталог хэутыгъэ зэфэшъхьафэу къыдагъэкIырэ 6000 фэдиз къыдагъахьэ. Ахэм ащыщых общественнэ-политическэ, хэушъхьафыкIыгъэ ыкIи нэфэшъхьаф гъэзетхэр, журналхэр. УзкIэтхэщтыр ыцIэкIэ, хьарыфымкIэ, темэмкIэ е кIэгъэтхэн индексэу иIэмкIэ сайтым къыщыбгъотын плъэкIыщт. Каталогым инэкIубгъо шъхьаIэ къэбар жъугъэм иамалхэу анахь зэлъашIэрэмэ афэгъэхьыгъэ тхыгъэхэр рагъотэщтых.