«Линие занкIэм» изэхэщэн тегъэпсыхьагъэу республикэм и ЛIышъхьэу КъумпIыл Мурат фэкIорэ упчIэхэу Адыгеим исхэм къатыхэрэр тыгъэгъазэм и 1-м къыщыублагъэу кол-гупчэу 122-м иволонтерхэм атхых. Тыгъэгъазэм и 1-м къыщыублагъэу респуб­ликэм ипащэ фэкIорэ упчIэ 323-рэ операторхэм атхыгъах. Ахэм анахьыбэр къызэрыкIыгъэр къалэу Мыекъуапэ, Тэхъутэмы­къое ыкIи Мыекъопэ районхэр ары. Республикэм щыпсэу­хэрэр анахьэу зыгъэгу­мэкIхэрэр щагухэм язэ­тегъэпсыхьан, гъогухэм яшIын ыкIи ягъэцэкIэжьын (мыжъо-пшэхъо зэхэлъ зытелъыщт гъогухэри зэрахэтхэу). Джащ фэдэу унэ-коммунальнэ хъыз­мэтым иIофшIэн, социальнэ, медицинэ фэIо-фашIэ­хэм язэшIохын япхыгъэ упчIэхэр къатых. Адыгеим и ЛIышъхьэу КъумпIыл Мурат «Линие занкIэмкIэ» упчIэ ратын алъэкIыщт номерэу 122-мкIэ (пчэдыжьым сыхьатыр 8-м къыщегъэжьагъэу пчыхьэм сыхьатыр 8-м нэс). Мессенджерэу «Tele­gram — @glava01_bot» зыфиIорэм иботкIэе элек­трон почтэу «kumpilov-online@yandex.ru.» зыфи­IорэмкIэ.