Мыекъопэ къэлэ паркым дышъэпс егъэшъогъэ мыIэрысэ дагъэуцуагъ. Ащ ите­плъэ АР-м и ЛIышъхьэ социальнэ нэкIубгъоу Интернетым щыриIэм къы­щигъэлъэгъуагъ.

КъумпIыл Мурат цIы­ф­хэм агу къыгъэкIыжьыгъ «Мые­къуапэ» «мыем ­икъуап» къызэрикIырэр, ащ фэдэ мэхьанэ зэриIэр. Джары мыщ щагъэуцущт пкъы­гъом егупшы­сэхэ зэ­хъум мыIэрысэм итеплъэ къызкIыхахыгъэр. Адыгеим хэхъоныгъэ егъэ­шIыгъэным фэгъэхьыгъэ програм­мэм къыдыха­лъы­тэгъэ зы­гъэ­псэфыпIэ чIыпIэу къыхахыгъэм игуп­чэу ар хъугъэ.

Шъугу къэдгъэкIыжьын, гъэрекIо щегъэжьагъэу агъэцэкIэрэ проектым елъы­тыгъэу псыхъоу Шъхьэ­гуащэ инэпкъэу къэлэ пар­кым къыхиубытэрэм игъэцэкIэжьынкIэ Iофышхо зэрашIэрэр. Непэрэ ма­фэм ехъулIэу километри 2,5-рэ хъурэ нэпкъыр агъэпытагъ, лъэсрыкIо гъогукIэхэр ащашIыгъэх, джэгупIэ чIыпIэхэр къыщызэIуахыгъэх. АР-м и ЛIышъхьэ ежь ышъхьэкIэ Iофхэр зэрэкIэкIыхэрэм лъэплъэ, ятIонэрэ чэзыоу джы бассейным игъэцэ­кIэжьын фежьэнхэу щыт, ащ екIурэ дэкIояпIэхэри агъэкIэжьыщтых.