Адыгэ Республикэм футболымкIэ икIымэфэ зэнэкъокъу тыгъэгъазэм и 3-м рагъэжьагъ.

Зэнэкъокъум икъызэIухын фэ­гъэхьыгъэ зэхахьэм Адыгеим футболымкIэ и Федерацие ипащэу Николай Походенкэр къыщыгущыIагъ. Командэхэм ешIэкIэ дэгъу къагъэлъэгъонэу, гъэхъагъэхэр ашIынэу афиIуагъ.

— ЗэIукIэгъухэм командэ 30 фэдиз ахэлажьэ. Ахэр купищ мэхъух. Апшъэрэ купым команди 8, апэрэ купым 12 ащызэдешIэщт. Зыныбжь илъэс 40-м ехъугъэхэр хэушъхьафыкIыгъэу зэдешIэщтых, — къытиIуагъ зэнэкъо­къум исудья шъхьаIэу Сергей Новиковым.

Апшъэрэ купым зэIукIэгъухэр гъэшIэгъонэу щыкIуагъэх. «Урожаим», АГУ-м, «Ошъутенэм» апэрэ текIоныгъэхэр къыдахы­гъэх.

ЗэIукIэгъухэр

Апшъэрэ купым зичэзыу ешIэгъухэр зэрэщыкIощтхэм шъуащытэгъэгъуазэ. 10.12. 16:00 «Креатив» — «Шытхьал» 11.12 «Урожай» — «Джаджэ» СШОР — «Картонтара-МГГТК» «Ошъутен» — АГУ. Апэрэ ешIэгъур стадионэу «Юностым» сыхьатыр 10-м щырагъэжьэщт.