ИлъэсыкIэ Iофтхьабзэм хэлажьэх
Партиеу «Единэ Россием» зэхищэрэ Iофтхьабзэу «ИлъэсыкIэ почт» зыфиIорэм къыдыхэлъытагъэу кIэлэцIыкIухэм хэушъхьафыкIыгъэ дзэ операцием хэлэжьэрэ дзэ къулыкъушIэхэм апае ашIыгъэ сурэтхэр партием ишъолъыр общественнэ егъэблэгъапIи, НыбжьыкIэ гвардием иштаби къарахьылIэхэу аублагъ.
«Iофтхьабзэу «ИлъэсыкIэ почт» зыфиIорэм диштэу хэти дзэ къулыкъушIэхэу хэушъхьафыкIыгъэ дзэ операцием хэлажьэхэрэм ИлъэсыкIэмкIэ афэгушIон ылъэкIыщт. ИлъэсыкIэ открыткэхэр, тхыгъэхэр, сурэтхэр «Единэ Россием» иобщественнэ приемнэу Мыекъуапэ щыIэми, НыбжьыкIэ гвардием иштаби джыдэдэм щаугъоих. Ахэр джащ фэдэу почтэкIэ аIэкIагъэхьанхэ е Мыекъуапэ иурамэу Краснооктябрьскэм тет унэу N 2-м ашъхьэкIэ рахьылIэнхэ алъэкIыщт. ИлъэсыкIэ открыткэхэр зыгъэхьазырхи апэу штабым къезыхьылIагъэхэр НыбжьыкIэ гвардием хэтхэр ары. Мыекъуапэ истудентхэри, икIэлэеджакIохэри мыщ фэдэ Iофтхьабзэм чанэу къыхэлажьэх. ИлъэсыкIэ открыткэ 300-м ехъу къаугъоигъах», — къыIуагъ партиеу «Единэ Россием» и Генеральнэ совет хэтэу, Адыгеим и НыбжьыкIэ гвардие ипащэу, Мыекъуапэ идепутатэу Бэрзэдж Асиет.