Урысыем и МВД иинспектор шъхьаIэу, полицием игенерал-майорэу Плющ Юрий Георгий ыкъом Адыгэ Республикэм и МВД иIофшIэн зэрэзэхищэрэм епхыгъэ IофыгъохэмкIэ цIыфхэр ригъэблэгъэщтых.

2022-рэ илъэсым тыгъэгъазэм и 9-м сыхьатыр 10-м къыще­гъэ­жьагъэу 1-м нэс ыкIи сыхьатыр 5-м къыщегъэжьагъэу 7-м нэс мыщ фэдэ чIыпIэм цIыфхэр щыригъэблэгъэщтых: къалэу Мые­къуапэ, урамэу Индуст­риальнэр, 2А/1 (Адыгэ Рес­публикэм и МВД иадминист­ративнэ унэ).

Зарагъэтхыным пае телефонхэу 8 (8772) 59-62-39-р, 8 (8772) 59-62-37-р е 8 (8772) 59-62-53-р къызыфагъэфедэн алъэкIыщт.

Джащ фэдэу почтэкIэ е ­Адыгэ Республикэм и МВД иофициаль­нэ Интернет-сайтэу httрs://01.мвд.рф/rеguеst ­­__ mаin зыфиIорэмкIэ зафагъазэзэ, цIыф­хэм пэшIорыгъэшъэу зарагъэтхын алъэкIыщт. Мыщ фэдэ чIы­пIэм къекIуалIэхэрэм зыщыщыр къэзыушыхьатырэ документыр аIыгъын фае.

Адыгэ Республикэм и МВД ипресс-къулыкъу