«Единэ Россием» и «НыбжьыкIэ гвардие» яIэпыIэгъоу Абхъазым къыращыщт мандарин тонн 50 Донбасс икIэлэцIыкIухэм афащэщт.

Абхъаз Республикэм и Прези­дентэу Аслан Бжания зыIокIэ ужым ар къыIопщыгъ гвардейцэ­хэм япащэу Антон Деми­довым.

«Джырэ уахътэм Урысыем къыхагъэхьажьыгъэ республи­кэхэм апае шIушIэ IэпыIэгъур тэгъэхьазыры. ИлъэсыкIэу къи­хьащтым ипэгъокIэу пхъэшъхьэ­мышъхьэхэр афэтщэнэу итхъу­хьагъ. ЗэкIэ игъом алъыдгъэIэ­сыным тыпылъ. Шъо шъукъызкIыхэтхыгъэри нафэ: «НыбжьыкIэ гвардием» игуфэкIо движение республикакIэу щыIэ хъугъэ­хэм зэкIэми ащэлажьэ. Сицыхьэ пытэ телъ шъхьафит ашIыжьыгъэ шъолъырхэм ащыпсэурэ кIэлэцIыкIухэм мэфэкIыр тызэгъусэу зэхядгъэшIэн зэрэтлъэ­кIыщтым», — къыIуагъ Аслан Бжания.

Пхъэшъхьэ-мышъхьэхэр зэ­рылъ машинэхэр Сыхъум къыщаушъэнхэшъ, Урысыем ишъо­лъырыкIэмэ афагъэкIощтых.

«Мы IофышIоу Абхъазым и Президент къырихьыжьагъэм тэри тызэрэхэлажьэрэм гушхуа­гъэ хэтэгъуатэ, зэкIэми тигу­хэлъхэр зэтефэ, ар Донбасс икIэлэцIыкIумэ тишIуагъэ ядгъэ­кIыныр ыкIи агу къыдэтщэеныр ары», — къыIуагъ Антон Демидовым.