«Единэ Россием» иволонтерхэмрэ Адыгеим и «Ныбжьы­кIэ гвардиерэ» «Эстафета добрых дел» зыфи­Iорэ Iоф­тхьабзэм къыдыхэлъытагъэу шIушIэ IэпыIэгъу къаугъои.

Мыекъопэ къэралыгъо технологическэ универ­ситетым икIэлэегъаджэ­хэмрэ истудентхэмрэ ащ хэлажьэх. Адыгеим икъэлэ шъхьаIэ идепутатэу Бэгъ Зинаидэ ягъусэу гъо­мылапхъэхэр, нэмыкIэу цIыфым анахь ищыкIагъэ­хэр Донецкэ ыкIи Луганскэ республикэхэм къарыкIыгъэу Мыекъуапэ къэ­кощыгъэхэм афаща­гъэх. Гъомылапхъэу къау­гъоигъэхэм ащыщхэр мобилизацием хиубытагъэу зэуапIэм щыIэхэми афа­тIупщыгъ.

— Тистудентхэм Iофыр зытетыр къызэрагурыIорэр тигуап. Волонтерхэм я Гупчэ иIофшIэн къы­хэлажьэу, чанэу гъомы­лэпхъэ къэмланхэр зы­гъэхьазырхэрэр бэ мэ­хъух, — къыIуагъ Бэгъ Зинаидэ.

Шъугу къэдгъэкIыжьын, «Эстафета добрых дел» зыфиIорэ Iофтхьабзэр тыгъэгъазэм и 1-м, партием имэфэкI мафэ, аублагъ. Ащ къызэрэ­щыдэлъытагъэу, цIыфхэм IэпыIэгъу афэхъух, унэгъо хъызмэт Iофхэр афызэшIуахых, гъомылапхъэхэр афащэх, нэмыкIыбэхэмкIэ адеIэх. Ащ имызакъоу, мобилизацием къыхиубытагъэхэм яунагъохэм яшIуагъэ арагъэкIы.

Партием илъэпкъ программэ изы лъэныкъохэм ащыщ IэпыIэгъу зищыкIэгъэ пстэумэ адеIэгъэныр. УФ-м и Къэра­лыгъо Думэ ихэдзынхэм «Единэ Россием» текIоныгъэр къызэращыдихыгъэ программэм лъэныкъо зэфэшъхьаф 294-рэ иI. Пшъэрылъэу ахэм къа­щыдэлъытагъэхэр 2021-м къыщыублагъэу 2025-м нэс пхырыщыгъэнхэу ­къыщеIо.