Фэтэрыбэу зэхэт унэхэм ачIэсхэм хэкIыр зэралъхьэрэ бакхэм яекIо­лIапIэхэр «зэфамышIынхэу» шъолъыр операторыр цIыфхэм къяджэ.

Унэе автомашинэр контейнерхэм адэжь зэрагъэуцугъэм къыхэкIэу хэкIыр Iузыщыщт хьылъэзещэхэр зэрямыкIолIэшъухэрэм мафэ къэс тырехьылIэ тIоми хэукъоныгъэ хъущтэп. Илъэсэу тызхэтым пыкIыгъэ уахътэм ащ тетэу пэрыохъу афэхъухэу гъогогъу 500 фэдиз агъэунэфыгъ.

— Анахьыбэу ащ фэдэ хэу­къоныгъэ зыщашIырэр Мые­къуап, Адыгэкъал, Яблоновскэр ыкIи Инэм. Ар къызхэ­кIырэр унэе транспортым пае гъэуцу­пIэу ашIыгъэм нахьи автомашинэхэм япчъагъэ зэ­рэнахьыбэр ары. Гъэпсэфыгъо мафэхэм Iофыр нахь дэи мэхъу. Транспортыр зиехэр емыгу­пшысэхэу зыщыфаехэм зэра­гъэуцухэрэм ыпкъ къикIыкIэ игъом хэкIыр дащынэу хъурэп. Шъугу къэдгъэ­кIыжьын, щагухэм къэбзэныгъэ адэлъыныр зэкIэми зэдытиIоф. Ащ пае тиавтомашинэхэр хэкI­итэкъупIэ площадкэхэм игъом якIолIэшъунхэ фае, — къы­Iуагъ ООО-у «ЭкоЦентрэм» и ­Адыгэ шъо­лъыр къутамэ ипащэ игуа­дзэу Алексей Петровым.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.