Общественнэ ыкIи предпринимательскэ гукъэкIхэм грант IэпыIэгъу ягъэгъотыгъэным фэгъэхьыгъэ зэнэкъокъоу зекIон инфраструктурэм хэхъоныгъэ егъэшIыгъым фытегъэпсыхьа­гъэу Адыгеим щызэхащагъэм кIэух фэхъугъ. Ар лъэпкъ проектым къыдыхэлъытагъэу щыт.

Грант IэпыIэгъоу сомэ миллиони 130-рэ аратыщт зекIоным епхыгъэ проект 34-р зэшIозыхыщтхэм. Проектэу къагъэ­лъэгъуа­гъэхэм ащыщых тыгъэзегъэупIэ чIыпIэхэр, кемпингхэр ыкIи илъэс псаум псы фабэ зэрытырэ бассейнхэр гъэпсыгъэнхэр.

— Псауныгъэм фытегъэпсы­хьэгъэ фэIо-фашIэхэр цIыфхэм нахь ящыкIагъэхэу аужырэ илъэсхэм Адыгеим къыщыхагъэ­щы. Термальнэ псынэкIэчъхэм япчъагъи зэхапшIэу хэхъуагъ. 2022-рэ илъэсым а чIыпIэхэм хьакIэщхэу жъогъуи 4 ыкIи 5 шъуашэ зиIэхэр кIэу къащызэIуа­хыгъэх. Нахь цIыфыбэ къызэраращэлIэщтым егупшысэхэзэ, предпринимательхэр Iофыгъуа­кIэу къежьэрэмэ адэкIох. Бас­сейнхэу гъэ реным псы фабэ зэрытыхэрэр нахь цIыфыбэмэ агъэфедэ зарашIоигъор мары къыдалъытэ, ащ фытегъэпсыхьэгъэ грантэу аратыщтхэр ящыкIэгъэ шъып­къэх, — АР-м зе­кIонымрэ курортхэмрэкIэ и Комитет къыщаIуагъ.