Адыгэ къэралыгъо университетым икъутамэ Узбекистан къыщы­зэIуи­хыщт. Мы мафэхэм ащ епхыгъэ Iофыгъохэр зэшIуахых.

Апшъэрэ еджапIэм ипресс-­къулыкъу къызэритырэмкIэ, илъэ­сиплIым къыкIоцI Адыгэ къэралыгъо университетымрэ Узбекистан дэт апшъэрэ еджапIэхэмрэ зэзэгъыныгъэ зэда­шIыгъэу зэдэлажьэх. Мы аужырэ илъэситIум Узбекистан къи­кIыгъэ ныбжьыкIэхэр заочнэ шIыкIэм тетэу рагъа­джэх. Зэдэ­лэжьэныгъэм шIугъэ къызэрихьырэр къыдалъыти, ар лъагъэкIотэнэу унашъо ашIыгъ. Непэрэ мафэм ехъулIэу Ташкент ыкIи нэмыкI къа­лэхэм къутэмэ 15 къащызэIуа­хыгъ.

— Урысые гъэсэныгъэм хэ­хъоныгъэхэр ышIынхэм изы амалышIоу сэлъытэ Адыгэ къэ­ралыгъо университетым икъутамэ Узбекистан къыщызэIу­хыгъэныр, — еIо АКъУ-м ипроректорэу ЛIыхьэтыкъо Сусаннэ.

Мы лъэхъаным Адыгэ къэ­ралыгъо университетым икъутамэхэр Краснодар краим къы­щызэIуихыгъэх.