Агу къагъэкIыжьыгъ
Мыекъопэ къэлэ администрацием гъэсэныгъэмкIэ икомитет джыри зэ къеты еджапIэхэм ащыкIорэ гъэцэкIэжьын IофшIэнхэм апэIухьэрэ ахъщэр ны-тыхэм къаIахын зэрэфимытхэр.
Мы лъэныкъомкIэ хэбзэгъэуцугъэр гъэцэкIагъэ зэрэхъурэм Комитетыр лъэплъэ, уплъэкIунхэр зэхещэх. Ащ ипащэу Ольга Романенкэм къызэриIуагъэмкIэ, мы Iофыгъом фэгъэхьыгъэ унашъор заштагъэр илъэсищ хъугъэ. Ны-тыхэм егъэзыгъэ IофкIэ ахъщэ къаIыпхы зэрэмыхъущтыр ащ итхагъ.
Ау щытми, юридическэ лицэхэмрэ цIыф къызэрыкIохэмрэ шIушIэ IэпыIэгъу еджапIэхэм къараты ашIоигъомэ, зи пэрыохъу афэхъущтэп. Джащ фэдэу, гъэцэкIэжьын IофшIэнхэм ахэлажьэ зышIоигъохэми зи апэуцужьыщтэп.
ЕджапIэхэм хэбзэнчъэу ахъщэ ащаугъоеу къэбар зыIэкIэлъхэр гъэсэныгъэмкIэ Комитетым ителефон номерэу (8(8772)52-27-58)-м теонхэ алъэкIыщт.