Гъогур агъэкIэжьыгъ
Джэджэ районым ит псэупIэу Гончаркэр Адыгеим ичIыпIэ анахь гъэшIэгъонхэм ащыщ, зыгъэпсэфакIо къакIохэрэм япчъагъэ макIэп.
Ащ щыIэ Дендроло-гическэ паркым къэкIырэ лъэпкъ зэфэшъхьафхэу 350-рэ фэдиз щызэбгъэлъэгъун плъэкIыщт. Ащ фэшъхьафэу паркыр цIэрыIо зышIыгъэр мыжъо-аммонит зэфэшъхьафэу дэлъхэр ары.
Гончаркэ уезыщэлIэрэ гъогум изытет аужырэ илъэсхэм дэи хъугъагъэ. Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм ишIуагъэкIэ гъогу Iахьэу «Гончаркэр — Черемушкэр — Келермесскэр» зэтырагъэпсыхьажьыгъ.
Федеральнэ шапхъэхэм адиштэу гъогур зыгъэкIэжьыгъэр Адыгэ Республикэм автомобиль гъогухэмкIэ иучреждениеу «Адыгеяавтодорыр» ары. Ащ ипащэу Алексей Корешкиным къыIуагъ лъэпкъ проектым къыдыхэлъытагъэу агъэпсыжьыгъэ гъогу Iахьым икIыхьагъэ километри 4,9-рэ зэрэхъурэр, джы Дендрологическэ паркым къэкIорэ зыгъэпсэфакIо- хэр гупсэфэу гъогум щызекIонхэ зэралъэкIыщтыр.
Лъэпкъ проектым Iоф зишIэрэм къыщегъэжьагъэу зекIо маршрутхэм ащыщэу километрэ мини 4-м ехъу хэгъэгум щагъэцэкIэжьыгъ.