ГъэпцIагъэ зыхэлъ бзэджэшIагъэ къы­зэрэдызэрахьагъэм къыхэкIэу поли­ци­ем идежурнэ часть илъэс 45-рэ зыныбжь бзылъфыгъэу Мыекъуапэ щыпсэурэм зыфигъэзагъ.

Ащ къызэриIуагъэмкIэ, сатыушIыпIэ интернет-сайт­хэм ащыщ горэм IэкIыбым къыщашIыгъэ иавтомобиль изапчасть щащэу ылъэгъугъ. ЩакIом зыфигъази ахъщэр зэригъэхьащт картэм иномер къыриIуагъ ыкIи бзылъфыгъэм сомэ мин 50 ащ фыригъэхьагъ. Ау нэужым щакIом зигъэбылъыжьыгъ ыкIи заригъэгъотыжьыгъэп. Мыщ епхыгъэу полицием иIофышIэхэм уголовнэ Iоф къызэIуахыгъ, ащ дакIоу уплъэкIун Iоф­тхьабзэхэр зэрахьэх.

Полицием изэфэхьысыжьхэмкIэ, Интернетыр къыз­фагъэфедэзэ щэн-щэфыным ылъэныкъокIэ гъэпцIэгъабэ зэрахьэ. ГущыIэм пае, мы илъэсым чъэпыогъу мазэм гъэпцIагъэ зыхэлъ хъугъэ-шIэгъэ 13 Адыгеим щагъэунэфыгъ. Щысэ къэтхьын, илъэс 73-рэ зыныбжь Мыекъуапэ щыщ хъулъфыгъэм иавтомобиль хэлъ пкъыгъор къыщэфын мурад иIэу ымышIэрэ щакIом икартэ сомэ мин 16 фыригъэхьагъ. Джащ фэдэу агъэпцIэгъэ илъэс 54-рэ зыныбжь хъулъфыгъэм Мые­къопэ районым хэгъэгу кIоцI къулыкъум иотдел зыфигъэзагъ. ЫмышIэрэ цIыфым сомэ мин 40 фыри­гъэхьагъ, ащ лъыпытэу гъэпцIакIом зигъэбылъыжьыгъ. Арэу щытми, бзэджашIэр къаубытыгъ, ар Краснодар щэпсэу, илъэс 32-рэ ыныбжь.

Шъугу къэтэгъэкIыжьы, шъумышIэрэ щакIом ахъщэр фижъугъэхьаным ыпэ ащ икъэбар зэжъугъашI, зяшъу­мыгъэгъэдел.