КъулыкъушIэхэм апэуцужьыгъ
2022-рэ илъэсым шэкIогъум и 4-м, чэщыр хэкIотагъэу Мыекъуапэ ипатруль-постовой къулыкъу иIофышIэхэр шапхъэхэм адимыштэрэ зекIуакIэхэр зезыхьэрэ амыгъэунэфыгъэ цIыфым рихьылIагъэх.
Полицием икъулыкъушIэхэр а чIыпIэм къызэкIохэм автомобилэу ВАЗ-2111-м исыгъэ хъулъфыгъэм идокументхэр къаригъэлъэгъунэу раIуагъ. Ау амыгъэунэфыгъэ хъулъфыгъэр къямыдэIоу машинэр зэхигъани, полицием икъулыкъушIэхэм къателъэдагъ ыкIи зигъэбылъыжьыгъ. КъулыкъушIэ нэбгыритIуми шъобжхэр атещагъэхэ хъугъэ.
Iофтхьабзэу зэрахьагъэхэм ишIуагъэкIэ сыхьат заулэкIэ хъулъфыгъэр къаубытыгъ. Зэрагъэунэфы-гъэмкIэ, ащ илъэс 43-рэ ыныбжь, Мыекъуапэ щэпсэу, ешъуагъэу рулым кIэрысыгъ.
Хъулъфыгъэм административнэ протокол фызэхагъэуцуагъ.