Полицием идежурнэ часть Мые­къуа­пэ щыпсэурэ хъулъфыгъэм зыкъы­фи­гъэзагъ.

Ащ къызэриIотагъэмкIэ, иавтомобиль унэ Iупэм зэрэIуигъэуцуагъэр ыгу римыхьэу илъэс 37-рэ зы­ныбжь хъулъфыгъэ ешъуагъэр къышIонагъ. ХъулъфыгъитIур зэдаохэзэ, ешъуагъэм автомобилым икапот ыгъэфыкъуагъ. Зэрарыр сомэ мин 13 фэдиз мэхъу.

ЫшIэзэ зыгорэм имылъку зэригъэфыкъуагъэм къы­хэкIэу ащ уголовнэ Iоф къыфызэIуахыгъ, бзэджашIэм илъэси 5-м нэс хьапс тыралъхьан алъэкIыщт.