Адыгеим игъогухэм гъогурыкIоным ишапхъэхэр зыукъохэрэр зыгъэу­нэфырэ пкъыгъуи 125-рэ атет.

2022-рэ илъэсым имэзи 10-у пыкIыгъэм ахэм яшIуагъэкIэ административнэ Iоф миллионым ехъу къызэIуахыгъ.

Мы системэм Iоф зэришIэрэм нэIуасэ фашIыгъэх Мыекъопэ гурыт еджапIэу N 17-м ия 11-рэ полицейскэ класс щеджэхэрэр. АР-м и Къэралыгъо автоинспекцие икъулыкъушIэхэм апшъэрэ классым щеджэрэ кIэлэеджакIохэм пкъыгъом Iофэу ыгъэцакIэрэр къафаIотагъ ыкIи арагъэлъэгъугъ. КIэлэеджакIохэм яупчIэхэм джэуапхэр къаратыжьыгъэх.