Урысыем и МВД кощын IофхэмкIэ иотделэу Мыекъопэ районым щыIэм Луганскэ ыкIи Донецкэ народнэ республикэхэм къарыкIыгъэхэу Адыгеир псэупIэкIэ къыхэзыхыгъэхэм Урысыем ипаспортхэр щаратыжьыгъэх.

АР-м хэгъэгу кIоцI IофхэмкIэ и Министерствэ ипресс-къулыкъу иIофышIэу Абрэдж Адам къызэри­IуагъэмкIэ, гъэкIэкIыгъэ шIыкIэм тетэу зэкIэми паспортхэр афагъэпсыгъэх. Ашъхьэ къезыхьыжьэжьхи Адыгеим къэкIуагъэхэм ящыкIэгъэ документхэр охътэ кIэкIым афагъэпсыгъэх, упчIэжьэгъу афэхъугъэх.

МэфэкI шIыкIэм тетэу ахэм паспортыр ыкIи УФ-м и Конституцие зэрытхэгъэ тхылъыр аратыжьыгъэх. Дахэу къазэрапэгъокIыгъэхэм ыкIи IэпыIэгъу къазэрафэхъугъэхэм афэшI ахэр полицием икъулыкъушIэхэм афэрэзагъэх.