ШэкIогъум и 21-м къыщегъэжьагъэу «Имеретинский Курорт — Мыекъуапэ» зыфиIорэ гъогууанэм мафэрэ мэшIокоу N 833/834 «Ласточка» зыцIэр рыкIозэ ышIыщт, арышъ, цIыфхэм ар джыри агъэфедэн алъэкIыщт.

Шъугу къэдгъэкIыжьын, гъэмэфэ уахътэм мэшIокур мафэ къэс кIощтыгъэ, ау охътэ зэблэкIыгъом расписанием зэхъокIы­ныгъэхэр фэхъугъэх ыкIи джырэкIэ тхьамафэм има­фэ хэхыгъэхэр ары ар зыкIорэр. Ау шэкIогъум и 21-м къыщегъэжьагъэу ар мафэ къэс кIощт.

— Адыгеимрэ Крас­нодар краимрэ ащыпсэу­хэрэр зэсагъэхэ распи­санием тетэу мэшIокур стан­циехэм къанэсызэ ыкIи аIукIызэ ышIыщт. «Ласточкэр» мафэ къэс Мыекъуапэ станцием зыщыIукIыщтыр сыхьатыр 7-р ары, Имеретинскэ Курортым сыхьатыр 13-м нэсыщт. Къызи­гъэзэжьыщтыр сыхьатыр 13-р ары, Адыгеим икъэлэ шъхьаIэ сыхьатыр 21:41-м къынэсы­жьыщт, — къаIотагъ СКЖД-м ипресс-къулыкъу иIо­фы­шIэхэм.

Станциехэу Белореченская, Хадыженская, ТIуа­псэ, Лазаревская, Лоо, Тыгъэмыпс, Шъачэ, Хоста ыкIи Адлер мэшIокур къа­щыуцузэ ышIыщт.