БлэкIыгъэ чэщ-зымафэм Мыекъуапэ дэт псэу­пIэхэм тIогъогогъо машIор къащызэкIэнагъэу агъэунэфыгъ.

Гукъау нахь мышIэми, мы хъугъэ-шIагъэхэм нэбгыри 3 ахэкIодагъ. Чэщым сыхьатыр 1-м адэжь шъхьэзэкъо унэу щытым ыкIи къат пчъагъэу зэтет унэхэм ащыщым машIор къакIэнагъ.

УФ-м ошIэ-дэмышIэ IофхэмкIэ и Министерствэ и ГъэIорышIэпIэ шъхьаIэу АР-м щыIэм къызэрэщаIуагъэмкIэ, мэшIо­гъэкIосэ-къэгъэнэжьэкIо под­разделениехэр псынкIэу мы чIыпIэхэм анэсыгъэх, нэбгырэ 30 фэдиз агъэкощыгъ. МашIом хэстыхьагъэу нэбгыри 3-мэ яхьадэ къагъотыгъ. МашIом игъэкIосэнкIэ зэкIэмкIи техники 6 агъэфедагъ, нэбгырэ 24-рэ хэлэжьагъ.

ГъэIорышIапIэм къызэритыгъэмкIэ, машIор къызэкIэнэным лъапсэ фэхъугъэр хьакур агъэплъынымкIэ шапхъэхэр зэраукъуагъэхэр ыкIи унэм тутын зэрэщешъуагъэхэр ары.