Адыгэ Республикэм щыпсэухэу лъытэныгъэ зыфэтшIыхэрэр!

Тиветеран лъапIэхэр!

Ветераным и Мафэ фэшI тыгу къыддеIэу тышъуфэгушIо!

Мы мафэр тинахьыжъхэр зэрэдгъэлъапIэхэрэм ыкIи инэу ахэм тызэрафэразэм ишыхьатэу щыт. Адыгэ Республикэм иэкономикэ зыгъэпсыгъэхэм, зышъхьамысыжьхэу зичIыгу гупсэ нахь зэтегъэпсыхьагъэ хъуным фэлэжьагъэхэм, социальнэ хэхъоныгъэмкIэ пшъэрылъышхохэр зэшIозыхыгъэхэм непэ тафэгушIо.

Заоми, IофшIэнми текIоныгъэхэр къащыдэшъухыгъэх, шъуи Хэгъэгу гуетыныгъэ шъухэлъэу шъуфэлэжьагъ, цIыфыгъэ шэпхъэ дахэхэм шъуарыгъуазэзэ лъэпкъ зэфэшъхьафхэм къахэкIыгъэхэм, дин зэмы­лIэужыгъохэр зылэжьыхэрэм зэгурыIоныгъэ азыфагу илъыным шъуиIахь хэшъушIыхьагъ, ныбжьыкIэхэр яхэгъэгу шIу алъэгъоу къэтэджынхэмкIэ Iофтхьэбзэ зэфэшъхьафхэм шъуахэлэжьагъ.

Адыгеимрэ Урысыемрэ яфедэ зыхэлъ Iофышхоу зэшIошъухыгъэхэм, шъуиакъылышIуагъэ апае лъэшэу тышъуфэраз.

Тиветеран лъапIэхэр, псауныгъэ пытэ шъуиIэнэу, бэгъашIэ шъухъунэу, шъуигупсэхэм ягуфэбагъэ шъущымыкIэнэу, шIоу щыIэр зэкIэ къыжъудэхъунэу шъу­фэтэIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр