Гамалея ыцIэ зыхьырэ ушэтын Гупчэм пэм раутхэрэ вакцинэу коронавирусым пэуцужьэу къыгъэхьазырыгъэм игъэфедэн рагъэжьагъ, джы ар Адыгеим къэ­сыгъ. ШIоигъоныгъэ зиIэ пстэуми а вакцинэр поликлиникэхэм къащаратын амал щыIэ хъугъэ. АР-м псауныгъэр къэухъумэ­гъэнымкIэ и Министерствэ шъугу къегъэкIыжьы — зэпахырэ узэу ко­ронавирусыр нахь IэшIэхэу тпэ­кIэкIынымкIэ амал закъоу щыIэр вакцинациер ары. Мыр вакцинэу «Спутник V» зыфиIорэм изэхэтыкIэ фэд, ау зэрагъэфедэрэ шIыкIэмкIэ зэтекIых. Препаратыр «Спутник V-м» фэдэу тхьамэфищ азыфагоу тIогъогогъо пэм раутхэ. ШIэныгъэлэжьхэм къызэраIуагъэмкIэ, мы вакцинэм пэ кIоцIым ихьанэу ежьэгъэ вирусыр пкъынэ-лынэм хигъахьэрэп. .