Донецкэ Народнэ Республикэм къикIыгъэхэу Адыгеим къэкIуагъэхэм ащыщхэм Урысыем ипаспортхэр араты­жьыгъэх.

Мыщ фэдэ мэфэкI Iоф­тхьабзэхэр апэрэп Мые­къуапэ зэрэщызэхащэрэр. Адыгэ Республикэм хэгъэгу кIоцI IофхэмкIэ икъулыкъухэм закъы­фэзыгъэзэгъэ зэшъхьэ­гъу­сэхэм къэралыгъом ицIыф зэрэхъугъэхэр къэ­зыу­шыхьатырэ тхылъ шъхьаIэр джы яIэ хъугъэ.

УФ-м хэгъэгу кIоцI Iоф­хэмкIэ и Министерствэ иотделэу Мыекъуапэ щы­Iэм кощын IофхэмкIэ иподразделение ипащэ ипшъэрылъхэр охътэ гъэ­нэфагъэкIэ зыгъэцэкIэрэ Арсен Зейналовым къызэриIуагъэмкIэ, зичIыгу къэзыбгынагъэхэм зэкIэми анаIэ атет, ахэм гъэкIэкIыгъэ шIыкIэм тетэу тхылъхэр афагъэхьазырых, паспортхэр къа­ратых.

ХэбзэухъумэкIо къу­лыкъухэм ялIыкIохэр мы купым къыхиубытэрэ цIыф­хэм къэралыгъом идокумент шъхьаIэ къыдахынымкIэ упчIэжьэгъу ыкIи IэпыIэгъу афэхъух. Ащ игъусэу УФ-м и Конституцие зыдэт тхылъыр араты.

АР-м хэгъэгу кIоцI Iоф­хэмкIэ и Министерствэ икъулыкъушIэхэр зэ­шъхьэгъусэхэм афэгу­шIуа­гъэх, гумэкIыгъо горэ къа­фыкъокIымэ хэбзэу­хъумакIохэм яIэпыIэгъу щыгугъынхэ зэралъэкIыщтыр джыри зэ агу къагъэкIыжьыгъ.

Адыгеим хэгъэгу кIоцI IофхэмкIэ и Министерствэ къэбархэмкIэ ыкIи общественнэ зэпхыныгъэхэмкIэ иотдел