Top.Mail.Ru

Сабый ибэхэр къагъэнэжьыгъэх

Image description

КIэлэцIыкIу ибэхэр е алъыплъэн зимыIэхэр зыщаIыгъхэ Унэу къалэу Херсон дэтым игъэкощынкIэ Урысые полити­ческэ партиеу «Единэ Россиер» IэпыIэгъу афэхъугъ.

ЦIыкIу дэдэхэу зыныбжь илъэси 4-м шIомыкIыгъэхэр ары ащ чIэсхэр, нэ­бгырэ 50-м ехъух. IыгъыпIэр Къырым агъэкощыгъ. ХэушъхьафыкIыгъэ дзэ опе­рациер зырагъажьэм мы социальнэ учреждением анаIэ тетынэу волонтерхэм аштагъ. КIэлэцIыкIоу ащ щаIыгъхэр Польшэм зэпырищынхэу Украинэм зырещажьэхэм ыуж ащ тетэу къагъэгъунэнхэу зырагъэ­жьагъэр.

Сабыйхэм къарагъэгъэзэжьышъугъ ыкIи мэзэ пчъа­гъэм анаIэ атетыгъ, гъомылапхъэхэр, джэгуа­лъэхэр, тхылъхэр, нэмыкIэу ящыкIагъэхэр етIупщыгъэу арагъэолIагъ.

— Сабыйхэр ятIонэрэу къэдгъэнэжьыгъэхэу мэхъу. Джы щынэгъончъэ чIыпIэ щыIэщтых, тыгу рэхьатыжьыгъ. Лъэшэу тафэраз Анна Кузнецовам, Андрей Турчак, Сергей Аксеновым, министерствэу, ведомствэу зишIуагъэ къэзгъэкIуагъэ­хэм, медицинэм иволонтерхэм. IэпыIэгъу псынкIэм иавтомашинэхэри, автобус­хэри къекIуалIэхи Къырым сабыйхэр ащагъэх. Тэ нахь кIасэу тыкIощт, — къы­Iуагъ «Единэ Россием» Херсонскэ хэкумкIэ ишъо­лъыр къутамэ ипащэу, Къэралыгъо Думэм щыIэ фракцием ипащэ игуадзэу Игорь Кастюкевич.

Шъугу къэдгъэкIыжьын, хэушъхьафыкIыгъэ дзэ операциер зырагъэжьагъэм къыщыублагъэу «Единэ Россиер» Донбасс щыпсэу­хэрэм, Луганскэ Народнэ Республикэм, Херсонскэ ыкIи Запорожскэ хэкухэм цIыфэу къарынагъэхэм лъэ­ныкъо пстэумкIи адеIэ. Пар­тием ишъолъыр къутамэхэм шIушIэ IэпыIэгъоу тонн мин 14-м ехъу ахэм арагъэолIагъ. Ащ щыщэу тонн 700-р медицинэм щагъэфедэх.

Джащ фэдэу операциер зыщыкIорэ уахътэм щыублагъэу сомэ миллион 500-м ехъу «Единэ Рос­сием» къыугъоигъ. АщкIэ гъомылапхъэхэр, сэкъатныгъэ зиIэхэм, кIэлэцIыкIу- хэм ящыкIагъэхэр, нэмыкIыбэхэр афащэфыгъэх. Фронтым паи сомэ мил­лиардым ехъу «Единэ Рос­сием» къыугъоигъ. Ащ­кIэ квадрокоптерхэр, беспилотникхэр, щыгъынхэр, нэмыкIэу дзэкIолIхэм ящыкIа­гъэхэр афащэфыгъэх.

Урысые политическэ партиеу «Единэ Россием» ишIушIэ гупчэ 40-м ехъумэ Донбасс, Херсонскэ ыкIи Запорожскэ хэкухэм Iоф ащашIэ. ДНР-м ащ фэдэ гупчэ 15, Мариуполь 10 къащызэIуахыгъ. Ахэм ямы­закъоу, юридическэ ыкIи психологическэ IэпыIэгъу къафэхъурэ гупчэхэр, кIэлэцIыкIухэм языгъэпсэфыгъо уахътэ зыщагъэкIощтхэр чIыпIэ зэфэшъхьафхэм партием къащызэIуихыгъэх.