Коммунальнэ пыдзэфэ пытэхэм япхыгъэ фэIо-фашIэхэм атефэрэ ахъщэр шIокI имыIэу тыгъэн фаехэм ащыщ. Мы къыкIэлъыкIохэрэр жъугъэцакIэхэмэ, чIыфэ къышъутефэщтэп, имыщыкIэгъэ хьал-балыкъым шъухэфэщтэп.

1. «ЭкоЦентр» зыфиIорэм игъо къышъу­фелъэгъу тхылъыпIэ квитанциехэм анэмыкIэу электрон амалри къызфэжъугъэфедэнэу. Мазэ къэс ар электрон почтэмкIэ къышъуфэкIощт, чIэнагъэ хъущтэп, шъуигупсэ горэми ахъщэр фэшъутын шъулъэкIыщт. Электрон квитанциер къышъу­IэкIэхьаным пае компаниеу «ЭкоЦентрэм» именеджер зыфэжъугъазэмэ хъущт е сайтэу https://adygeya.cleanrf.ru.

2. Техъо фэмыхъоу ахъщэр зэрэшъутыщтыр

Комиссионнэхэр хэмытхэу ахъщэр зыщышъутын шъулъэкIыщтыр: къ. Мые­къуапэ, ур. Пионерскэр, 297, п. Яблоновскэр, ур Школьнэр, 10/1, джащ фэдэу мобильнэ приложениеу «Сбербанк-онлайн» зыфиIорэмкIэ, «Сбербанкым» итерминалхэмкIэ.

3. Игъом ахъщэр шъуты

Хабзэу щыIэм тетэу узекIон хъумэ, мазэ къэс и 10-р къэмысызэ ахъщэр шъутын фае. Арэущтэу шъумышIымэ, къэкIорэ квитанцием чIыфэ шъутелъэу итыщт. Ащ тетэу чIыфэр зэIукIэмэ, тазыр е хьыкум Iоф къыхэхьан ылъэкIыщт.

«ЭкоЦентрэм» и Адыгэ къутамэ ипресс-къулыкъу