Къолъхьэ тын-Iыхыным къикIырэр IэнатIэ зыIыгъ цIыфыр кIэгъэгушIугъэным пае ахъщэ, мыжъо лъапIэхэм ахэшIыкIыгъэ пкъыгъохэр, нэмыкI мылъку етыгъэныр е шIухьафтын фэдэу мылъкур къызIэкIэкIырэ цIыфым ифэIо-фашIэ горэхэр IэнатIэ зыIыгъым фигъэцэкIэнхэр ары.

Къуалъхьэр зэратырэ цIыфыр Iофэу зэкъуидзэщтым щыгъуа­зэу, ежь къыфэгъэзэгъэ Iофэу ар щытын е нэмыкI горэу а Iофыр зэшIозыхын зылъэкIыщтым ежь зыфигъэзэн ылъэкIынымкIэ амал иIэн фаеу зэрэхъу­рэр къыдэлъытэгъэн фае.

Къолъхьэ тын-IыхынкIэ алъы­тэрэр ахъщэм, мыжъо лъапIэхэм ахэшIыкIыгъэ пкъыгъохэм, амыгъэкощырэ мылъкум язакъоп, джащ фэдэу видеотехникэр, унагъом щагъэфедэрэ пкъыгъо­хэр, Iэзэн Iофым тефэгъэ ахъщэр фэтыгъэныр, псэолъэшI IофшIэнхэр фызэшIохыгъэнхэр ыкIи нэмыкIхэри ащ къыхеубытэх.

Къуалъхьэр зыфэдизым е зыфэдэм елъытыгъэу цIыфэу ар къаIызыхырэри язытырэри хьапсым чIэфэнхэ алъэкIыщт. Илъэс 16 хъугъэхэм къащегъэ­жьагъэу уголовнэ пшъэдэкIыжь арагъэхьы.

Къуалъхьэр зытырэмрэ аIызыхырэмрэ азыфагу дэтыми джащ фэдэу уголовнэ Iоф къыфызэIуахын алъэкIыщт (УФ-м и УК ия 291.1-рэ статья).

Къуалъхьэ яшъумытымэ мыхъунэу шъурагъэзымэ, полицием, ФСБ-м, Следственнэ комитетым е Прокуратурэм зафэжъугъаз.

Къалэу Мыекъуапэ ипрокурор иIэпыIэгъу шъхьаIэу И. В. Орлова