Урысые Федерацием и Президентэу Владимир Путиным иунашъокIэ Ростуризмэр зэфашIыжьыгъ.

Ащ ипшъэрылъыгъэхэр УФ-м экономикэ хэхъоныгъэхэр егъэшIыгъэнымкIэ и Министерствэ ыгъэ­цэкIэщтых.

Ростуризмэр 1990-рэ илъэсхэм къащегъэжьа­гъэу къулыкъу зэфэ­шъ­хьаф­­хэм япхыгъэу лэ­жьагъ.

Аужырэ илъэсищым пэщэныгъэ дызезыхьагъэр Зарина Догузовар ары. Вице-премьерэу Дмитрий Чернышенкэм З. Догузовам иIофшIэн сыдигъуи чанэу зэрэпылъыгъэр, ау санкциехэм зэрар ин ­къызэрахьыгъэр къыIуагъ. Аужырэ илъэсищым Рос­туриз­мэр занкIэу Правительствэм епхыгъагъ.

Президентым ышIыгъэ унашъор зыфэгъэхьыгъэр лъэпкъ проектэу «ЗекIонымрэ хьэкIэпэгъокIыным ииндустриерэ» зыфиIоу федеральнэ ведомствэ 17-рэ къэралыгъом ишъо­лъырхэмрэ зыхэлажьэхэрэм хэхъоныгъэ егъэшIы­гъэныр ары.

ТапэкIэ зэрэщытыгъэм фэдэу зекIон хъызмэтым иIофыгъохэмкIэ пшъэдэ­кIыжь зыхьыщтыр вице­-премьерэу Дмитрий Чернышенкэр ары. (Тикорр.).