Джэджэ районым икъэзэкъхэм япащэхэу Виктор ыкIи Владимир Гречка, Сергей Коростылевым ыкIи Апшерон районым икъэзэкъхэм яштаб ипащэу Сергей Хлудневым хэушъхьафыкIыгъэ дзэ операцием хэлажьэхэрэм шIушIэ IэпыIэгъур аIэкIагъэхьагъ.

Гъомылапхъэхэр, щы­гъынхэр, къэбзэныгъэм пае агъэфедэрэ пкъыгъо­хэр, фэшъхьафхэри ащ хэлъых.

Къэзэкъхэм къулыкъур зыщахьырэ чIыпIэм щы­псэухэрэм гуманитар IэпыIэгъум щыщ пкъыгъохэр аратыгъэх. Мамыр цIыфхэр лъэшэу къэзэкъхэм къафэразэхэу «тхьа­шъуегъэпсэу» къараIо­жьыгъ.

Адыгэ Республикэм ишъолъыр кIэлэцIыкIу-­ныбжьыкIэ общественнэ движениеу «Адыгеим икъэ­зэкъ ныбжьыкIэхэм я Союз» зыфиIорэр шIукIэ IэпыIэгъур зэхэщэгъэным тапэкIи пылъыщт. Мы ма­фэхэм гъомылапхъэхэр, тутынхэр, зэфэтхэнхэм фэшI ящыкIэгъэщт Iэмэ­-псымэхэр, фэшъхьафхэри аугъоих.

ШIу зышIэ зышIоигъо­хэр мыщ фэдэ телефонкIэ теохэмэ хъущт: +79627678193. Къалэу Мыекъуапэ, урамэу Пионерскэр, 328-рэ.

Мамыр щыIакIэр Донбасс щыгъэпытэгъэным тыхэлэжьэныр, къин хэфагъэхэм IэпыIэгъу тафэ­хъуныр зэдытиIофэу тэ­лъытэ.

Екатерина Загорулько. Мыекъуапэ икъэзэкъхэм яотдел ипащэ игуадз.