Адыгэ Республикэм и ЛIышъхьэу КъумпIыл Мурат Адыгеим оперативнэ штаб зэрэщызэхащэрэм ехьылIэгъэ Указым кIэтхэжьыгъ. Урысые Федерацием и Президент и Указэу гъэлъэшыгъэ шIыкIэм къыхиубытэрэ шапхъэхэр ЮФО-м ишъолъырхэм ащыгъэфедэгъэнхэм ехьылIагъэм диштэу ар зэхащагъ.

Оперативнэ штабым хэтых респуб­ликэм ихэбзэухъумэкIо къулыкъухэм, дзэ комиссариатым япащэхэр, АР-м иминистрэхэм я Кабинет хэтхэр, муниципалитетхэм япащэхэр, цIыфым ифитыныгъэхэмкIэ Уполномоченнэу АР-м щыIэр, нэмыкI IэнатIэхэр зы­Iыгъхэр. Оперативнэ штабыр зыкIызэхащагъэр ведомствэхэм, къулыкъухэм Iофтхьэбзэ зэфэшъхьафхэм язехьанкIэ зэдырагъэштэныр, рэхьатныгъэр ау­къон зэра­лъэкIыщтыр къыдэлъытагъэу ама- лэу зэрахьащтхэм яусэгъэным пай.

— Джыдэдэм республикэм зэрэщырэхьатыр, Iофхэр зыпкъ зэрэщитхэр хэсэгъэунэфыкIы. ЦIыфхэр зэсэгъэхэ щыIакIэм, предприятиехэм, организациехэм яIофшIэн зэхъокIыныгъэ горэхэр афэшIыгъэнхэмкIэ ушъхьагъу гори непэкIэ щыIэп, — къыIуагъ КъумпIыл Мурат.

АР-м и ЛIышъхьэ ипресс-къулыкъу