Общественностым илIыкIохэу Адыгэ Республикэм ихьыкумышIхэм яквалификационнэ коллегие хэтыщтхэмкIэ кандидатхэм ядокументхэр зэраштэхэрэмкIэ Адыгэ Республикэм и Къэралыгъо Совет – Хасэм макъэ къегъэIу.

Общественностым илIыкIохэу хъун зылъэкIыщтхэр Урысые Федерацием игражданхэу илъэс 35-рэ хъугъэхэр, апшъэрэ юридическэ гъэсэныгъэ зиIэхэр, анапэ зыушIоин ылъэкIыщт зекIуакIэ къызхэмыфагъэхэр, къэралыгъо е муниципальнэ IэнатIэхэр, къэралыгъо къулыкъу IэнатIэхэр зимыIэхэр, организациехэм е учреждениехэм япащэхэу, очылхэу ыкIи нотариусхэу щымытхэр.

Кандидатхэм якъэгъэлъэгъонкIэ фитыныгъэ зиIэхэр Адыгэ Республикэм и ЛIышъхь, урысые ыкIи шъолъыр общественнэ объединениехэм якъутамэхэр, общественнэ объеди­нениехэу Урысые Федерацием юстициемкIэ икъулыкъухэу Адыгэ Республикэм щыIэхэм ащатхыгъэхэу республикэм зиIофшIэн щызыгъэцакIэхэрэр.

Адыгэ Республикэм и Законэу N 113-р зытетэу «Адыгэ Республикэм ихьыкумышIхэм яквалификационнэ коллегие общественностым илIыкIохэу хэтыщтхэм яхьылIагъ» зыфиIоу 2003-рэ илъэсым мэзаем и 11-м къыдэкIыгъэм зигугъу къышIырэ унашъохэмрэ документхэмрэ япчъагъэкIэ тIурытIоу щытынхэ фае. Унашъохэмрэ документхэмрэ 2022-рэ илъэсым чъэпыогъум и 3-м къыщыублагъэу и 17-м нэс мыщ фэдэ чIыпIэм щаштэщтых: къ. Мыекъуапэ, Жуковскэм иур. 22-рэ, каб. 34.