ЗекIон инфраструк­турэм хэ­хъоныгъэ ышIынымкIэ обще­ственнэ ыкIи пред­принимательскэ гу­хэлъхэм IэпыIэгъу афэхъугъэным фы­те­гъэпсыхьагъэу грантхэр къызэра­тыщтхэм якъыхэхын фэгъэхьыгъэ зэнэ­къокъу зэхащагъ.

Апэрэ едзыгъом текIоныгъэ къыщы­дэзыхыгъэ­хэм ялъэIу тхылъхэм чъэпыогъум и 14-м ахэплъэщтых. Къэралыгъо IэпыIэ­гъур нэбгырихымэ аратыщт. ЯтIонэрэ едзыгъом изэфэхьысыжьхэмкIэ рейтинг зэхащэщт. ТекIоныгъэ къыдэзыхыгъэхэр къыхэхыгъэнхэмкIэ лъэIу тхылъхэр къызыщатыгъэ уахътэм мэхьанэшхо иIэщт.

Шъугу къэдгъэкIыжьын, федеральнэ ыкIи республикэ бюджетым къыхэхыгъэ сомэ миллиони 190-рэ мыхэм апэIухьанэу агъэ­нэфагъ. Зэнэкъокъум текIоныгъэ къыщыдэзыхыгъэхэм сомэ миллиони 3-м къыщегъэ­жьагъэу миллиони 10-м нэс аратыщт. Ахъщэу аратынэу щытым ипроцент 50-м нахь мымакIэу ежь яIэн ыкIи проектыр Адыгэ Республикэм щыпхыращын фае.

(Тикорр).