АР-м ишъолъыр кIэлэцIыкIу-ныбжьыкIэ общественнэ движениеу «Адыгеим икъэзэкъ ныбжьыкIэхэм я Союз» шIушIэ IэпыIэгъу зэхищагъ.

ХэушъхьафыкIыгъэ дзэ операциеу Украинэм щыкIо­рэм хэлэжьэрэ тидзэ­кIолIхэм,къэзэкъ-гуфакIохэм, Донбасс щыпсэухэрэм шIушIэ IэпыIэгъу аратыным фэгъэхьыгъэ Iофыгъохэр Адыгеим, Пшызэ шъолъыр ащызэхащэх.

Красногвардейскэ районым иансамблэу «Родничок» зыфиIорэм хэтхэм гъомылапхъэу къаугъоигъэр макIэп. Къэзэкъ-гуфакIохэм афэтхагъэх. Ансамблэм ихудожественнэ пащэу Елена Марьенкэм къытиIуагъ кIэлэцIыкIухэр, ныбжьыкIэхэр тидзэкIолIхэм зэрафэгумэкIы­хэрэр.

Джэджэ районым, Гавердовскэм, Мостовскоим, Мые­къуапэ, фэшъхьафхэм ащы­псэурэ къэзэкъхэр шIушIэ Iэ­­пыIэгъум хэлажьэх. Гъомылапхъэхэр, щыгъынхэр, нэмыкI­хэри мы мафэхэм аугъоих.

Екатерина Загорулько.

Мыекъуапэ икъэзэкъхэм япащэ игуадз.