ПенсиехэмкIэ системэр зэрэгъэпсыгъэр, финансхэм ягъэзекIон, социальнэ Iофхэм къадэлъытагъэхэм кIэлэеджакIохэр, студентхэр икъоу ащыгъэгъозэгъэнхэм фытегъэпсыхьэгъэ кампаниер Адыгеим мы мазэм щырагъэжьагъ.

2011-рэ илъэсым къыщегъэ­жьагъэу мы Iофтхьабзэр илъэс къэс Урысыем исубъект пстэумэ ащэкIо. КIэлэеджэкIо ыкIи студент минитIум къыщымыкIэу Адыгеим щыхэлажьэ. Ащ къыдэ­лъытагъэу, УФ-м ПенсиехэмкIэ ифонд иIофышIэхэм гурыт, профессиональнэ ыкIи апшъэрэ еджапIэхэр къакIухьэзэ ахэм ачIэсхэм аIокIэх, Урысыем пенсиехэмкIэ исистемэ ишапхъэхэр къафаIуатэх, мы темэмкIэ урок­хэр афызэхащэх, фондым икъу­лыкъоу цIыфхэм Iоф адэзы­шIэрэм рагъэблагъэх.

Егъэджэн IофшIэнхэр нахь гъэпсынкIэгъэнхэм фэшI ПенсиехэмкIэ фондым «Все о будущей пенсии: для учебы и жизни» ыцIэу пособие къыдигъэкIыгъ. Аныбжь нэсымэ пенсие дэгъу афагъэнэфэным пае ныбжьыкIэхэм непэ анаIэ зытетын фае­хэр къызэрыкIоу, гурыIогъошIоу ащ итхагъэх.

Мы егъэджэн Iофтхьабзэр илъэсым ыкIэм нэс кIощт, Адыгеим имуниципальнэ образованиехэм зэкIэми ар анэсыщт.