Кавказ биосфернэ заповедникым изекIо лъагъохэр шIэхэу зэфа­шIы­жьыщтых, гъэмэфэ зыгъэпсэфыгъо уахътэр аухыгъ.

Заповедникым макъэ къызэригъэIугъэмкIэ, ащ ипащэ чъэпыогъум и 15 зэфашIыжьыщт объектхэр къыгъэнэфэгъахэх. Я 11-рэ маршрутэу «Урочище Имеритинка» ыкIи я 8-рэ лъагъоу «Через перевал Аишхо к Черному морю» зыфиIохэрэм зыгъэпсэфакIохэр атырагъэ­хьа­жьыщтхэп. Фэшъхьаф лъагъоу «Урочище Медвежьи ворота — лагерь Холодный» зыцIэм щыщэу къэуцупIэу «Бзерпинский карниз» зыфиIорэм нэс узщызекIон уфитыр.

Лъагъохэр цIыфхэм къызау­нэкIыкIэ, заповедникым иIофышIэхэм ахэр къызщыуцущтыгъэ чIыпIэхэр зэкIаугъоежьыщтых, инфраструктурэр кIымэфэ лъэхъаным тырагъэпсыхьащт.

НэмыкI зыгъэпсэфыпIэ лъагъохэм директорым унашъо къе­шIыфэкIэ цIыфхэм къаща­кIу­хьанхэ фитых. Ом изытет къызэIымыхьэмэ, мазэм ыкIэ нэс маршрутхэу N N 9-м, 30-м, 13-м Iоф ашIэн алъэкIыщт, бжыхьэ экскурсиехэр ахэм ащызэхэпщэшъущтых. Арэу щытми, къушъ­хьэм зыкъыщаплъыхьанэу ха­хьэ­хэрэм щыгъын фабэхэр зэ­рэзыдаштэнхэ фаер агу къагъэкIыжьы.

Заповедникым иIофышIэхэм къашIэжьы 2021-рэ илъэсым я 8-рэ, я 8а маршрутхэр чъэпы­огъум и 4-м зэрэзэфашIыжьыгъагъэхэр, заповедникым ичIыпIэ пстэумэ зыгъэпсэфыгъо лъэ­хъаныр зэращызэпагъэужьыгъагъэр. Ащ нахьыбэрэ бжыхьэм къушъхьэхэм зызщагъэпсэфыгъэ илъэси къыхэкIыгъагъ. Ар 2018-р арыгъэ, зыгъэпсэфыгъо уахътэр шэкIогъум и 21-м нагъэсыгъагъ. (Тикорр.).