Чъэпыогъу мазэр къызихьагъэм къыщегъэжьагъэу троллей­бус гъэкIэрэкIагъэ Мыекъуапэ дэт хъугъэ.

«Адыгеим къэралыгъо гъэпсыкIэ зиIэр илъэси 100 хъугъэ» ыIоу ащ тетхагъ. Илъэсым къыкIоцI общественнэ транспортым имаршрут тетэу Iоф ышIэщт.

МэфэкI шIыкIэм тетэу ар гъогум те­хьагъ. Муниципальнэ творческэ кол­лективхэр Iофтхьабзэм хэлэжьагъэх.

Грантовэ проектэу «Достояние рес­публики» зыфиIорэм къыдыхэлъытагъэу троллейбусыр агъэкIэрэкIагъ ыкIи линием тырагъэхьагъ. Коммерцием емыпхыгъэ Автономнэ организациеу «Культпросвет» зыфиIорэмрэ Мыекъопэ къэлэ администрацием культурэмкIэ и ГъэIорышIапIэрэ ащ кIэщакIо фэхъугъэх. 2022-рэ илъэсым социальнэ мэхьанэ зиIэ проектхэр щыIэныгъэм щыпхы­рыщыгъэнхэм фытегъэпсыхьэгъэ зэнэ­къокъур АР-м IофшIэнымкIэ ыкIи со­циальнэ хэхъоныгъэмкIэ и Министерствэ зэхещэ.