Сэнаущхэр зыфащэх
Адыгэ Республикэр лъэхъаным диштэрэ индустрием зыкъегъэIэтыгъэным пылъ.
Мы уахътэм модельнэ тхылъеджэпIэ 12-у Адыгеим къыщызэIуахыгъэхэр Урысыем культурэмкIэ и Министерствэ ипроектыкIэу «Гений места» зыфиIоу сэнаущхэр зыщызэIукIэхэрэ чIыпIэхэр гъэпсыгъэнхэм фэгъэхьыгъэр пхырыщыгъэным чанэу дэлажьэх, ащкIэ макъэ къыгъэIугъ АР-м культурэмкIэ и Министерствэ.
Зэчый зыхэлъхэм непэ Адыгеим имодельнэ тхылъеджэпIи 4-р якIуапI, ахэр «яточкэх»: къалэу Мыекъуапэ ицентрализованнэ библиотечнэ системэкIэ тхылъеджапIэу N 1-р, МыекъуапэкIэ кIэлэцIыкIу модельнэ тхылъеджапIэр, Джэджэ районымкIэ гупчэ район тхылъеджапIэр, Красногвардейскэ районымкIэ Хьатикъое чIыпIэ модельнэ тхылъеджэпIэ-къутамэу N 16-р.
КIэкIэу «Точка» аIозэ зэджэхэрэ проектым изэхэщакIохэм къызэрэхагъэщыгъэмкIэ, а зэкIэ Iофыгъошхом зыкъызэрэщаушыхьатыщтым фэлажьэ. Хэлэжьэрэ цIыфхэм зырызэу е купым хэтхэу ягупшысэхэр къырахьылIэнхэ алъэкIыщт, ящыкIагъэу алъытэмэ, Iофым игъэцэкIэнкIэ IэпыIэгъу къафэхъущтых.
— Мы тхылъеджапIэхэр зыгъэфедэхэрэмкIэ, IофыгъокIэ гъэшIэгъонымкIэ гъэзагъэу гупшысэр зылэжьыхэрэмкIэ анахь мэхьанэ зиIэр, аныбжь ыкIи ясоциальнэ статус емылъытыгъэу, тхылъеджапIэм чIэлъ тхылъхэр, документхэр агъэфедэнхэ, джащ фэдэу зэхэгущыIэхэзэ ашIын амал зэряIэр ары, — къыщаIуагъ культурэмкIэ Министерствэм.
2023-рэ илъэсым Адыгеим проектэу «Гений места» зыфиIорэм изэшIохын щылъагъэкIотэщт, республикэмкIэ анахь тхылъеджэпIэ зэтегъэпсыхьагъэхэм IофышIэ анахь дэгъухэр къащыхагъэщыщтых. Проектым изэшIохын фэгъэзагъэхэу дэлажьэхэрэр АР-м культурэмкIэ и Министерствэрэ АР-м и Лъэпкъ тхылъеджапIэ щызэхэщэгъэ проектнэ офисымрэ.
(Тикорр.).