Адыгеим санитарнэ авиацием IофшIэныр щыригъэжьэ­жьыгъ. Ащ ихьатыркIэ нэбгырэ пчъагъэмэ ящыIэныгъэ къагъэнэжьыгъ. Вертоле­тэу агъэфедэрэм сыма­джэм ищыкIэгъэ обору­дованиер зэкIэ ит, апэрэ медицинэ IэпыIэгъур ащ щырагъэгъоты.

Вертолетыр чэщи мафи зиIэтыным фэхьазыр. Сымэджэ хьылъэхэр псын­кIэу сымэджэщым рынагъэсынхэ алъэкIы. «Вертолетыр цIыфхэм яIэзэнхэм тегъэпсыхьагъ, ащ ит оборудованиер реани­мациехэм ачIэтхэм анахь дэеп», — къыIуагъ цIыф­хэм IэпыIэгъу псынкIэ ягъэгъотыгъэнымкIэ Адыгэ республикэ станцием иврач шъхьаIэу Сихъу Ахьмэд.

Санитарнэ авиацием цIыфэу уз хьылъэ зиIэхэр, аварием хэфагъэхэр, къу­шъхьэм щыфыкъуагъэхэр псынкIэу сымэджэщхэм анигъэсын елъэкIы. Сы­мэджэ хьылъэхэр фе­деральнэ медицинэ гуп­чэхэм зэранагъэсыщт уахътэр джы бэкIэ нахь кIэкI хъугъэ.

Шъаукъо Аслъангуащ.