Адыгеим имэфэкI мафэ фэгъэхьыгъэ зэнэкъокъухэу Мыекъуапэ щы­кIуагъэхэм Наш Расул чанэу ахэлэжьагъ.

Шыухэм язэIукIэгъухэм иIэпэIэсэныгъэ къащигъэлъэгъуагъ. Ежьэшъо цыер щыгъэу Наш Расул шыкъэчъапIэм щянэкъо­къугъ. КIуачIэр, къулаир зы­щагъэфедэрэ Iэпшъэзэбэным хэлэжьагъ.

— Европэм иныбжьыкIэхэм самбэмкIэ язэнэкъокъоу джырэблагъэ Сербием икъалэу Новый Сад щыкIуагъэм Наш Расул дышъэ медалыр къыщихьыгъ, — къыщиIуагъ спорт­сменхэм язэIукIэ Адыгэ ­Хасэм хэтэу, зэнэкъокъухэм язэ­­хэ­щакIохэм ащыщэу Хьаблаукъо Адам, — Адыгэ шъаом тыфэгушIо.

Адыгэ лъэпкъ шэн-хабзэхэр зезыхьэрэ Наш Расул ныбджэгъушIухэр иIэх. Тэхъутэмыкъуае дэт спорт еджапIэм зыщегъасэ. Тренерхэу Джарымэкъо Аз­мэтрэ Джарымэкъо Рустамрэ ипащэх.

— Спорт лъэпкъ зэфэшъхьаф­хэмкIэ зэнэкъокъухэм са­хэ­лэжьэныр сшIогъэшIэгъон. Тре­нерхэм, кIэлэегъаджэхэм, зэ­хэщакIохэм синыбджэгъухэри сэри лъэшэу тафэраз, — къытиIуагъ Наш Расул.

ЕмтIылъ Нурбый.