Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэр анахь дэгъоу зыгъэцэкIэрэ шъолъырхэм Адыгеир ащыщ. ГущыIэм пае, 2022-рэ илъэсым телъытэгъэ планым ыпэ итхэу тигъогушIхэм Мыекъуапэ ыкIи ащ къыпэIулъ псэупIэхэм ягъогу Iахьи 9-мэ гъэцэкIэжьынхэр арашIылIагъэх. Мы гъогухэр зэрэзэтырагъэпсыхьагъэхэр, асфальтэу атыралъхьагъэр зыфэдэр, нэмыкI уплъэкIунхэр экспертхэм зэхащагъэх. Ахэр урамхэу Госпитальнэм, Тульскэм, Кирпичнэм, Женя Поповым ыцIэ зыхьырэм, Новэм, Центральнэм ыкIи Солнечнэм, нэмыкIхэм ащыIагъэх. Апэдэдэ специалистхэм асфальтым илъэгагъэ зы­фэдизыр зэрагъэшIагъ, зэфэхьысыжьхэм къызэ­рагъэ­лъэгъуагъэмкIэ, ар шапхъэхэм адештэ. НэмыкI лъэ­ны­къохэмкIи уплъэкIунхэр рагъэкIокIыщтых, лъэпкъ про­ектым къыдыхэлъытэгъэ пстэури зэрифэшъуашэу гъэцэкIэгъэным, тигъогухэм язытет шэпхъэшIухэм адиштэным анаIэ тырагъэтыщт. Ащ фэдэ пшъэрылъ къафишIыгъ Адыгеим и ЛIышъхьэ. (Тикорр.).