Адыгеим ит редукторышI заводыр лъэпкъ проек­тэу «Производительность труда» зыфиIорэм хэ­лэ­жьэнэу унашъо ышIыгъ. Предприятием IофшIэныр 1974-рэ илъэсым ригъэжьагъ. Къыдигъэ­кIырэ продукциер цIыфхэм ящыкIэгъэ шъыпкъэу щыт, ахэм двигатель зэфэшъхьафхэр, нэмыкI тех­никэр ащыщых. Ушэтынхэр зыщашIырэ фи­зико-химическэ лабораторие иI, къы­дигъэкIырэ оборудованием гъучIым ыкIи гъучI зэхэгъэчъыхьа­гъэм язэ­хэлъыкIэ къыгъэлъэгъон, къызэхифын елъэкIы. Проектым къыдыхэлъытэгъэ лъэ­ныкъохэр гъэцэкIэгъэнхэмкIэ «Региональный центр компетенций Кубани» зыфиIорэм иэкспертхэр предприятием IэпыIэгъу къыфэ­хъущтых. БгъуитIуми яспециалистхэр зы­хэлэжьэгъэхэ апэрэ зэIукIэгъум за­водым къыдигъэкIырэ продукциер зыфэдэр игъэкIотыгъэу зэ­рагъэшIэнэу щытыраубытагъ, Iоф­шIэнхэр амыгъэгужъоу рагъэжьэщтых. Мыекъопэ редукторышI заводэу «Заремэм» къыдигъэкIырэ пкъыгъо­хэм осэшIу къафашIы, къэлэ зэфэшъхьафхэм дилерхэр щыриIэх. Мы проектым ишIуагъэкIэ заводым ипродукцие тапэкIэ хигъэхъон ылъэкIыщт. Шъаукъо Аслъангуащ.