Адыгэ Республикэм щыпсэухэу лъытэныгъэ зыфэтшIыхэрэр!

ТичIыпIэгъу лъапIэхэр!

Адыгэ Республикэр зызэхащагъэр илъэс 31-рэ зэрэхъурэм фэшI тышъуфэгушIо!

Урысые Федерацием ишъолъырхэм афэдэ статус Адыгеим иIэ зэрэхъугъэр къэралыгъо гъэпсыкIэм итарихъ ичэзыукIэ ублапIэ фэхъугъ. Мы илъэсым къэ­ралыгъо гъэпсыкIэ иIэу ар зыщыIэр илъэси 100 зэрэхъурэр хэтэгъэунэфыкIы. Автономиеу зэхащагъэр, нэужым респуб­ликэ зэрэхъужьыгъэр тишъолъыр ищыIэныгъэкIэ тарихъ хъугъэ-шIэгъэшху, щыIэныгъэм илъэныкъо пстэухэмкIи псынкIэу хэхъоныгъэ ышIыным иамалхэр ащ къыфызэIуихыгъэх.

Республикэр зэрэзэхащагъэм Адыгеим мамырныгъэрэ зэгурыIоныгъэрэ азыфагу илъэу щыпсэурэ цIыф лъэпкъ пстэуми яшэн-хабзэхэр, якультурнэ ыкIи ягушъхьэлэжь кIэн къэухъумэгъэнхэмкIэ мэхьанэшхо иIагъ, нэмыкI шъолъырхэм лъэныкъо пстэумкIи зэпхыныгъэу ащ адыриIэхэр нахь ыгъэпытагъэх.

ЛIэужыбэу Адыгеим исхэм ягуетыныгъэрэ яхъупхъагъэрэ яшIуагъэкIэ Адыгэ Республикэм иамалышIухэр пхырищынхэ ылъэкIы хъугъэ, мэкъу-мэщымкIэ, экономикэмкIэ гъэхъэгъэшIухэр ешIых. Республикэм цIыфхэр зычIэсыщтхэ унэхэр чанэу щагъэпсых, гъогухэр щашIых, псауныгъэм икъэухъумэн, гъэсэныгъэм, культурэм япхыгъэ псэуалъэ­хэр щагъэпсых, IофшIэпIэ чIыпIакIэхэр щызэхащэх, кIэу къыхахыхэрэр энергетикэм щагъэфедэх. А пстэуми амал къаты тапэкIэ псэугъэхэм IофшIэнымкIэ гъэхъэгъэшхоу ашIыщтыгъэхэм ахэдгъэ­хъонымкIэ, тицыхьэ зытелъыжьэу неущырэ мафэм тыпэплъэнымкIэ.

Адыгеим къэралыгъо гъэпсыкIэ иIэ зыхъугъэм ия 100-рэ илъэс республикэм ихэхъоныгъэкIэ мэхьанэшхо зиIэ чэзыоу зэрэхъущтым, шъолъырым исоциальнэ, экономикэ ыкIи культурнэ хэхъоныгъэкIэ амалыкIэхэр къызэритыщтым тицыхьэ телъ.

ТичIыпIэгъу лъапIэхэр, зэкIэми тышъу­фэлъаIо псауныгъэ пытэ, щыIэкIэшIу шъуиIэнэу, мамыр ошъогур шъуашъ­хьагъ итынэу, Адыгэ Республикэмрэ ти Хэгъэ­гушхоу Урысые Федерациемрэ яфедэ зыхэлъ Iофым гъэхъэгъакIэхэр щышъу­шIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр