Чъэпыогъум и 5-р — мэхьанэшхо зиIэ мэ­фэкI — республикэм и Маф. Ащ ихэгъэунэфыкIын епхыгъэу АР-м и ЛIы­шъ­хьэу КъумпIыл Мурат цIыфхэм закъы­фи­гъэзагъ.

— ЗэкIэми дэгъоу шъо-шIэ Адыгеим къэралыгъо гъэпсыкIэ зиIэр илъэси 100 мыгъэ зэрэхъугъэр ыкIи ар игъэкIотыгъэу чъэпыогъум ­ и 5-м хэдгъэунэфыкIынэу зэрэщытыгъэр. Ау чIыпIэу непэ тызэрытым мэфэкIыр игъэкIотыгъэу хэдгъэунэ­фыкIыныр мытэрэзэу сеплъы. Iофтхьабзэу дгъэнэ­фэгъагъэхэм япрограммэ дгъэкIэкIыгъ — концертыр, мэшIоустхъур, культурэм ифестивальхэр щыдгъэзыя­гъэх. Сицыхьэ телъ Адыгеим щыпсэухэрэм а унашъом къызэрэдырагъэштэщтым, — къыIуагъ КъумпIыл Мурат.

* * *

МэфэкI Iофтхьа­бзэхэу республикэм щыкIощтхэм ­ащыщхэр:

Чъэпыогъум и 1 — 9-м — художественнэ фотокъэгъэлъэгъонэу «Мыекъуапэ — тыгъуас, неп, неущ» зыфиIорэр АР-м исурэт къэ­гъэлъэгъуапIэ щыкIощт.

Чъэпыогъум и 2-м — театральнэ шъуашэм фэ­гъэхьыгъэ альбомым илъэтегъэуцо Пушкиным ыцIэ зыхьырэ народнэ Унэм пчы­хьэм сыхьатыр 4.30 — 6.30-м щырекIокIыщт.

Чъэпыогъум и 4-м — Адыгеим къэралыгъо гъэ­псыкIэ зиIэр илъэси 100 зэрэхъурэм фэгъэхьыгъэ зэ­хахьэ Къэралыгъо фи­лармонием сыхьатыр 12-м къыщыублагъэу 2-м нэс щыкIощт.

Чъэпыогъум и 5-м — шы-спорт мэфэкI республикэ ипподромым мафэм сыхьатыр 11-м щегъэжьагъэу 3-м нэс щызэхащэщт.