Зыпкъ къикIыгъэр зэхафы
2022-рэ илъэсым Iоныгъом и 29-м Мыекъуапэ гъэсэныгъэм иучреждениехэм ащыщхэу кIэлэцIыкIу IыгъыпIэхэм ыкIи гурыт еджапIэхэм къэорэ пкъыгъохэр ачIэлъын зэрилъэкIыщтымкIэ Адыгеим ихэбзэухъумакIохэм яорганхэм макъэ къарагъэIугъ.
Гъэсэныгъэм иучреждениехэр ыкIи ахэм къапыщылъ шъолъырхэр къаплъыхьагъэх, къэорэ пкъыгъохэр ащагъэунэфыгъэхэп.
Мы уахътэм Адыгеим ихэбзэухъумакIохэм яорганхэм оперативнэ ыкIи хэушъхьафыкIыгъэ Iофтхьэбзэ тедзэхэр зэхащэх.
Адыгеим иполицие шъугу къегъэкIыжьы хабзэм пэшIуекIорэ мыщ фэдэ зекIуакIэхэр зезыхьэхэрэм пшъэдэкIыжьэу илъэси 10 хьапс атыралъхьан зэралъэкIыщтыр.