Лъэпкъ проектэу «Культурэм» хэхьэрэ Iофтхьабзэу «Тхылъыр IэпыIэгъу къы­шъуфэхъуным дэгуIэ» зыфиIорэр Очэпщые къоджэ тхылъеджапIэм щы­кIуагъ.

Энциклопедиехэм, гущыIалъэхэм, нэмыкIхэм афэгъэхьыгъэ тхылъхэу узыгъэгъуазэхэрэм, урысыбзэм изэ­гъэшIэн, тхэным ишапхъэхэм атегущы­Iагъэх. Модельнэ тхылъеджапIэм ифонд ибаиныгъэ къыхагъэщыгъ.

Тхылъыр шIэныгъэм икъэкIуапIэу зэрэщытым тхылъеджапIэм иIофышIэу Кушъу Людмилэ иеплъыкIэхэр къыри­IотыкIыгъэх.

В. Даль, фэшъхьафхэм ятхылъхэр кIэлэеджакIохэм ашIогъэшIэгъоных, щыIэныгъэм щагъэфедэх. Нэхэе Джэнэт, Пщыдатэкъо Камилэ, Кушъу Аринэ ублэпIэ классхэм ащеджэх нахь мышIэми, тхэкIо цIэрыIохэм ятворчествэ зыщагъэгъуазэ.

ШIэныгъэм хэзыгъэхъорэ зэхахьэхэр тхылъеджапIэм тапэкIи щызэхащэщтых, нэрылъэгъу IэпыIэгъухэр агъэфедэщтых.