Тазыр 80-м ехъу къырагъэпщыныгъ
Теуцожь районым щыпсэурэ хъулъфыгъэм гъогурыкIоным ишапхъэхэр гъогогъу пчъагъэрэ ыукъуагъэх, ащ къыхэкIыкIэ тазыр 80-м ехъу къыпщыныжьын фэягъ.
Хьыкум приставым мыщ ылъэныкъо-кIэ Iофхэр къызэIуихыгъэх, тазырэу тыралъхьагъэм диштэу ащ сомэ мин 45-м ехъу хабзэм къыфызэкIигъэкIожьынэу щытыгъ.
Хьыкум приставыр хъулъфыгъэм дэгущыIагъ, чIыфэр игъом къызимытыжьыкIэ къыкIэлъыкIон ылъэкIыщтыр гуригъэIуагъ. Ау пIалъэу фагъэнэфагъэм ехъулIэу чIыфэр къыпщыныжьыгъэп. Ащ къыхэкIыкIэ приставым хьыкумым зыфигъэзагъ. Ащ ыуж ныIэп хъулъфыгъэм ипшъэрылъхэр зигъэцэкIагъэр, чIыфэр къызипщыныгъэр.